Жалал-Абад областында кайра иштетүү тармагынын жалпы абалы туруктуу. Бул тууралуу Кыргыз Республикасынын Экономика министрлигинин аймактар аралык башкармалыгынын Жалал-Абад регионалдык бөлүмүнөн билдиришти.
Аатап айтканда, кайра иштетүү тармагында алынган продукциянын физикалык көлөмүнүн индекси 100,8 пайызды түздү. Мындан тамак-аш азыктарын өндүрүү, ичимдиктер менен тамеки 104,1 пайызга, өнөр жай кийимдерин өндүрүү 110 пайызга, жыгачты иштетүү жана жыгачтан буюмдарды жасоо 106,3 пайызга, мунайзат, кокс продуктыларын өндүрүү 105,5 пайызга, химия өндүрүшү 118,1 пайызга, резина жана пластмассасын өндүрүү 146,2 пайызга, башка металл эмес минералдык продуктыларын өндүрүү 135 пайызга, түрдүү өнөр жайдын башка тармактары 115,2 пайызга аткарылды. Суу менен камсыздоо, тазалоо, калдыктарды иштетүү жана экинчи ирет сырёену алуу өндүрүшүнүн физикалык көлөмүнүн индекси 115,4 пайызга барабар болду.
Бирок, анын ичинен текстиль жана тигүү тармагында 98 пайызга, негизги металл өндүрүшү жана металл буюмдарын өндүрүү 46,8 пайызга, электр жабдууларын, электрондук жана оптикалык жабдууларды өндүрүү 84,2 пайызга гана камсыздалды.
