Базар-Коргондо жаштар миграция агымын азайтуу максатында социалдык долбоор жазып, аны ишке ашырышууда. Долбоордун алгачкы кадамдарынын бири мотивация берүү максатында университетке саякат уюштуруу болгон. Анын алкагында 30-ноябрь күнү аталган райондо жайгашкан 13 мектептин айрым окуучулары, ата-энелери менен биргеликте Жалал-Абад мамлекеттик университетин кыдырып, жогорку окуу жайы менен таанышып чыгышты.
Иш чара IDEA CA уюмунун «Жаш аракет» долбоорунун алкагында Базар-Коргон жаштарынын идеясы менен өткөрүлдү. Жаштар буга чейин социалдык долбоор жазып, анын негизинде мектеп бүтүрүүчүлөрүнүн арасында миграциялык агымдын жогорулашы деген көйгөйдү чечүүгө багытталган идеяларын тизмектешкен.