Кыргызстанда берилген кичи насыялар боюнча кайтарымдуулук 2018-жылы 91 пайызды түзүп, мурдагы жылга салыштырмалуу 6.1 пайыздык пунктка төмөндөгөн. Деген менен 2016-жылы кайтарымдуулук деңгээли 94,1 пайызды түзгөн эле. Бул тууралуу Улуттук статистика комитетине шилтеме берүү менен economist.kg сайты жазып чыкты.
Статкомдун билдиришинче, берилген кичи насыялар боюнча карыздар колөмү 2019-жылдын 1-январына карата 16 миллиард 189 миллион сомду түзгөн. Ал эми 2018-жылы кичи насыя берүүчү уюмдар тарабынан беилген насыялар көлөмү 23 миллиард 116 миллион сомго жеткен. Бул мурдагы жылга салыштырмалуу 5.9 миллион сомго көптүк кылат.
Өткөн жылы берилген кичи насыялардын жалпы көлөмүнүн 30.6 пайызы айыл чарба ишмердигин өнүктүрүүгө, 24.9 пайызы керектөө муктаждыктарын камсыз кылууга жана 14.6 пайызы турмуш-тиричилик чөйрөсүнө багытталган.