Корея Элдик Демократиялык Республикасынын (Түндүк Корея) жогорку мартабалуу чиновниги КЭДР менен АКШнын ортосундагы Ханойдо өткөн самиттин ийгиликсиз өтүшүнө айыпталып, өлүм жазасына тартылды. Дагы бир чиновник каторгалык иштерге соттолуп кетти. Бул тууралуу INTERFAX.RU жазып чыкты.
КЭДРдин Мамлекеттик кеңешинин АКШ иштери боюнча атайын өкүлү Ким Хек Чхоль жана Тышкы иштер министрлигинин дагы төрт кызмат адамдары Ханойдогу ийгиликсиз сүйлөшүүлөрдүн айынан март айында өлүм жазасына тартылышты. Айрым маалыматтарга караганда, түндүккореялык лидер Ким Чен Ын АКШнын президенти Дональд Трапм менен жолугушууда бир пикирге келе албагандыктары үчүн аталган чиновниктерди өлүм жазасына буюрган. Ошондой эле өзүнүн биринчи орун басары Ким Ен Чхоль каторгалык иштерге соттолгон.
Эске сала кетсек, Вьетнамдын борбору Ханойдо февраль айында экинчи АКШ-КЭДР саммити болуп өтүп, ийгиликсиз аяктаган. Ага КЭДРга карата санкциялардын коюлушу болгон.