БОРБОРДУК АЗИЯ: ӨЛКӨЛӨР АРАЛЫК ШИРИНЧИЛИК МЕЗГИЛИ БҮТТҮ

Ташкенттеги Ma’no изилдөө демилгелери борборунун директору Бахтиёр Эргашевдин пикирине караганда, Борбордук Азия өлкөлөрүнүн ортосундагы төрт жылга созулган ширинчилик доору аягына чыкты. Бул тууралуу Podrobno.uz жаңылыктар агенттиги жазып чыкты.
Аталган эксперттин айтымында, дүйнөдөгү эң ири Рогун ГЭСинин курулушу жүрүп жатат, бийиктиги 400 метрге чамалуу. Эгер ал курулуп бүтсө, аны суу менен толтуруу керек болот. Тажикстандын президенти Эмомали Рахмон суу менен толтурууга жети-сегиз жыл талап кылынарын, бирок ал ылдый жактагы өлкөлөргө зыянын тийгизбей турганын айтып жатат.
Бирок, эксперт айрым үлкөн мартабалуу кишилердин оозеки айткандарына ишене бербестигин Фейсбук социалдык тармагындагы өзүнүн баракчасына жазып чыккан. Ал минтип жазат: “Мен эл аралык келишимдердеги бардык тараптардын формалдуу-юридикалык анык бекитилген милдеттерине, аларды бузганы үчүн санкцияларга ишенем. Аймактын өлкөлөрүнүн ортосундагы мамилелерде төрт жыл мурда башталган ширинчилик мезгили аягына чыкканы аналиктиктерге гана эмес, карапайым кишиге да даана көрүнүп турат”.
Эргашевдин айтымында, мамлекеттер аралык мамилелердеги ар кандай көйгөйлөрдү жана чечилбеген маселелерди камтыган каардуу реалдуулуктун суук деми келе баштады.
“Ошол эле өзбек-кыргыз чек арасын делимитациялоо процессинин токтоп калышы — биринчи коңгуроо. Айтылып жүргөндөй: “Бий үчүн эки өнөктөштүн болушу шарт”. Мүмкүн болсо, алардын бирдей ыргакта, бири-бирин коштоп бийлегени дурус. Бул жагынан көйгөлөр бар…” деп жазат ал. Ошондой эле провинциалдуулук азыраак, көз караштын жана ой жүгүртүүнүн… окуялардан улам корунтунду чыгаруунун горизонту кененирээк болсо деген тилегин билдирет.