Amazonонлайн-ретейлеринин кампаларында сатылбай сакталып турган жүз миңдеген доллар нарктагы товарлар эми жок кылынууда. Amazonсата албай калган телевизорлор, китептер, жалаяктар жана башка жүздөгөн наамдагы товарлар жок кылынуу үчүн таштанды ташталуучу жайларга жеткирилет. Бул тууралуу Daiy Mail басылмасынын журналисттери кабарлашты.
Эгер товар сатылбай калган болсо, Amazonошол товарлар таандык болгон тийиштүү компаниялардан аларды сактап туруу үчүн жогорулатылган акы талап кыла баштайт. Бул деген товарлар турган ар бир чарчы метр аянт үчүн 22 евро төлөш керек болсо, кошумчасы менен 430 евро болот, бир жылдан кийин 860 еврого чыгат. Ошондуктан жөн эле акча кетирбестен товарларды жок кылуу алар үчүн пайдалуураак.
Албетте, бул компаниянын кызматкерлери товарларды жок кылуу маалыматын сыртка чыгара беришпейт. Алар кампадагы товарлардын тагдыры боюнча соопчулук жана бейөкмөт уюмдары уюмдары менен иштешип жатканын айтышат. Буга чейин француз репортёрлору M6 телеканалынан Amazon компаниясынын кампасынан товарларды жок кылуу боюнча репортаж чыгарышкан. RTL журналисти Уилльяма Вюйе Франциядагы ушул компаниянын кичинекей эле кампасы өткөн жылдын 9 айында 293 миң даана товарды таштандыга ыргытканын билдирген. Журналисттин колуна түшкөн документте компания 2018-жылы Францияда 3 миллион товарды жок кылганы айтылат.
