Ырчы жана обончу, маданияттын мыкты кызматкери Эмил Балтагуловго өзү жетектеген “Сезим” эстрада тобу жана чыгармачылыктагы жакын санаалаштары күтүлбөгөн сюрприз тартуулашты. Ырчы Нурбек Шамуратов Эмил Балтагуловдун сюрпризден кабары жок экендигин айтып, көпчүлүктүн макулдугу менен өзгөчө болсун деп, белекке атайын булгаарыдан даярдалган кресло-олтургучту тандап алышкандыгын айтат.
Ал эми Эмил Балтагулов күтүүсүз белек кубаныч менен бирге жоопкерчилик тартууларын билдирди.
-Мага берилген бул белекти мага болгон ишеним деп кабыл аламын. Ошол себептүү мага ишеним көрсөтүп, мени колдогондордун ишеничин актоого бар күчүмдү жумшаймын. Алдыда аткарыла турчу жумуштар көп, – дейт ал.
Эскерте кетсек, ырчы жана обончу Эмил Балтагулов Жалал-Абад шаарындагы маданият техникумуна ушул жылдын 28-июнь күнү директор болуп дайындалган.