Эми Өзбекстанда рынокто орун алган сапатсыз жана корунучтуу продукциялардын базасы түзүлөт. Өлкөнүн Юстиция министрлигине шылтеме берүү менен бул тууралуу Podrobno.uz жаңылыктар агенттиги билдирди.
Бул нерсе өкмөттүн токтому менен бекитилген адамдардын ден соолугуна жана өмүрүнө, юридикалык жактардын мүлктүк кызыкчылыктарына дал келбеген, айлана-чөйрөгө зыяндуу жана коркунучтуу, сапатсыз продукциялардын өндүрүлүшүнө, сатылышына мониторинг жүргүзүү тууралуу жободо каралды.
Жобого ылайык, продукцияларга мониторинг жасоону «Устандарт» агенттиги алып барат. Сапатсыз жана коркунучтуу продукциялар бажы, экологиялык, карантин, курулуш, саламаттыкты сактоо жана башка ыйгарымдуу кызматтар тарабынан аныкталат. Ал эми аныкталган сапатсыз же коркунучтуу продукциялар тизмеси маалыматтары менен «Узстандарт” агенттигине берилип, маалыматтык базага киргизилет.
Агенттик апта сайын жиберилген маалыматтарды анализдеп, жалпылап, сапатсыз же коркунучтуу продукциялар тууралуу маалыматты тийиштүү органдарга, Соода-өнөр жай палатасына, керектөөчүлөрдүн укуктарын коргоо коомунун федерациясына, ири соода түйүндөрүнө жөнөтөт.
Ал эми аныкталган кемчиликтерди оңдогон же ишинен четтеткен өндүрүүчү бул тууралуу Агенттикке билдирип, базадагы маалыматты алып коюуну өтүнөт. Эгер жыйынтыктар чын эле жакшы болсо, анда Агенттик мурдагы маалыматты базадан алып салат.
