Өзбекстан быйылкы жылы 3,5 миллион тонна жашылча өндүрүп, анын 670 миң тоннасын экспортко жөнөтүүгө ниеттенип жатат. Бул тууралуу Podrobno.uz маалымат агенттиги жазып чыкты.
Өкмөттүн атайын токтому менен дыйкан чарбаларынын жер аянттарын жана жарандарга тиешелүү өздүк жер чуасткаларын натыйжалуу пайдалануу каралып, ага ылайык дыйкан чаралары менен өздүк участкалардын 172 миң гектарына жашылча эгүү жана 3,5 миллион тонна түшүм алуу пландалган. Аын 23 миң гектарына пияз, 18 миң гектарына сабиз эгилмекчи.
Жалпысынан 31,5 миң гектар аянттан 667 тонна бахча өсүмдүктөрүнүн, 47 миң гектардан 1 миллион тонна картошка, ал эми 26,7 миң гектар аянттан 80 миң тонна буурчак өсүмдүктөрүнүн түшүмүн алуу белгиленди.
Бардык өндүрүлгөн айыл чарба продукцияларынын дээрлик 5 миллион тоннасы ички рынокко, ал эми 690 миң тоннасы экспортко жөнөтүлөт.
