Кечээки Украина президентин шайлоо күнү Киев шаарынын мэри Виталий Кличко добуш берүү үчүн шайлоо участкасына велосипед тээп барды. Бул тууралуу INTERFAX.RU сайты жазып чыкты.
Андагы маалыматка караганда, Киев шаарынын мэри В. Кличко эртең менен саат 8де шайлоо участогуна таңкы машыгуудан чыгып эле велосипед менен келип калган.
Шайлоо участогунда ал бул шайлоолордон Украинанын келечеги көз каранды экенин, ким президент болуп шайланганына карабастан, өлкө европалык интеграция багытында өнүгүшү керектигин айткан. А өзү болсо, Украинада европалык демократиянын баалуулуктары биротоло орноп, европа коомчулугундагы ийгиликтүү өлкөлөрдүн катарына кошулушуна болгон күч-аракетин жумшай турганын билдирген.
Эскерте кетсек, кечээ, 31- март күнү Украинада кезектеги президенти шайлоо боюнча добуш берүү жүрдү. Шайлоо бюллетенине кирген талапкерлердин саны 39га жеткен.
Ал эми Виталий Кличко дүйнөлүк атактуу боксчу, 2014-жылдын 25-июнунан бери Киевшааынын мэри, Жогорку Раданын депутаты, президенттин кеңешчиси, “Удар” саясий партиясынын лидери. Ал 1971-жылы 19-июлда Кыргызстандын Беловодское айылында туулган.
