Жалал-Абад маданият техникумуна жаңы жетекчи келди. Кыргыз Республикасынын маданият, маалымат, спорт жана жаштар саясаты министрлиги тарабынан директорлук орунга Молдобаев Дуйшенбек Мамытович дайындалды. Бул тууралуу техникумдан билдиришти.
КР маданият, маалымат, спорт жана жаштар саясаты министри Азамат Жаманкулов 2021-жылдын 27-декбарында кол койгон 205-буйрукта Д. Молдобаев ушул жылдын 27-декабрынан эмгек келишминин негизинде Жалал-Абад маданият техникумунун директорлугуна дайындалары айтылган.
Д. Молдобаев кесипкөй музыкант, маданият ишмери, Кыргыз Республикасынын эмгек сиңирген артисти катары кеңири белгилүү жана мурда Жалал-Абад областтык филармониясын жетектеп келген.
Эске сала кетсек, министр А. Жаманкулов 2021-жылдын 16-декабрындагы буйругу менен техникум директору Абдыжалил Таштановду Эмгек кодексинин 83-беренесинин 11-пунктуна ылайык кызматтан бошоткон. Буга техникумда окуган окуучулардын ата-энелеринин жазган арызы, А. Таштановдун жетекчи катары кетирген кемчиликтери, калпыс жүрүм-туруму себеп болгон.
