Россия Федерациясынын коргонуу боюджети 61,4 миллиард долларды түзүп, коргонуу бюджети жагынан алдыда турган дүйнөлүк мамлекеттер катарында алтынчы сапка түшүп калды. Бул тууралуу россиялык сайттар жазып чыгышты.
Буга чейин, башкача айтканда 2006-жылдан бери Россия коргонуу бюджети жагынан дүйнөлүк беш мамлекеттин арасында турган. Ал эми 2018-жылы Россия бул багыттагы чыгымдарын 3,5 пайызга азайткан. Ал эми коргонуу бюджетинин колөмү боюнча лидерликти дале АКШ (649 миллиард доллар) менен Кытай (250 миллиард доллар) бере элек. Биринчи бештикке Сауд Аравиясы, Индия менен Франция да кирет.
Деген менен, 2018-жылы Россиянын армиясын Европадагы эң мыкты деп эсептешкен. Business Insider компанясынын баамында, 47 миллиард доллар коргонуу бюджети менен Россиянын армиясында 3,5 миллион аскер кызматчысы бар деп эсептелинет. Ошондой эле 20 миң танкасы, дээрлик 4 миң самолёту жана 350 кемеси бар.
Ал эми 2017-жылы Россия армия менен флотту кайра жабдуу үчүн 19 триллион рубль жумшай турганы кабарланган. Алдыда ишке ашырылуучу 2018-2027-жылдардагы кайра куралдануу программасына ылайык, өзөктүк атаандаштык, жогорку тактытагы куралдар, ошондой эле жалпы мүнөздөгү куралдарды жана техникаларды экспорттоо негизги орунда турат.
