Кытайлыктар Россиянын саясий лидери Владимир Путинди дүйнөлүк сек-символ аташса, Россиянын белгилүү саясатчысы Владимир Жириновский Россиянын президентин Жогорку Өкүмдар атоону сунуш кылды. Бул тууралуу чет элдик булактарга таянып россиялык сайттар жазып чыгышты.
Кыттай өлкөсүнүн жарандары WeChat социалдык тармагында В. Путиндин чыйрак ден соолугун талкуулашып, аны дүйнөлүк секс-символ деп аташты. Алардын пикири боюнча В. Путин — бүткүл дүйнөдөгү миллиондогон аялдар эңсеген, сергек жашоо менен алек болгон киши. Аны россиялык аялдар гана эмес, чет элдиктер да жакшы көрөт, дешет алар. Кытайлык жарандарга В. Путиндин спорт менен алектенгени, 69 жашка келсе да өзүн тың алып жүргөнү жагат.
Андан башка да кытайлыктар орус мончосун жактырышарын айтышат. Алардын пикири боюнча, ал жерде орустар бири-бирин шыпыргы менен чапкылап, жыргалга батышат.
Ошол эле кезде орус саясатчысы Владимир Жириновский Россиянын президентинин кызмат аталышын “Жогорку өкүмдар (башкаруучу)” деп атоо керектигин айтып чыкты. Мындай пикирин ал «Комсомольская правда» радиосунун кабарчысы менен баарлашып жатканда айткан.
-Россиянын Жогорку өкүмдары. Сыймыктуу, чечкиндүү, жоопкерчиликтүү угулат жана жарандарга оптимисттик таасир берет” – дейт ал. Ошону менен бирге өзү башкарган ЛДПР партиясы мыйзамга тийиштүү оңдоолорду киргизүүгө ниеттенип жатканын билдирген.
В. Жириновский кала берсе аймактардагы жетекчилердин да аталыштарын өзгөртүү керектигин билдирген. Маселен губернаторлордун аталыштарын аймактардын башчылары деп эле өзгөртүү зарылдыгын айтат жана аталыштарды өзгөртүү боюнча жаңы мыйзам долбоорунун зарылдыгын колдойт.
-Баарынын бирдей аталышы – аймактардын башчылары эле болушу керек, эч кандай президенттердин, хандардын, султандардын, гетмандардын кереги жок” – деген ал баарлашууда учурунда.
