Түркиянын багбандарынын быйылкы апрель айындагы жаңы бышкан мөмө-жемиштер менен жашылчалардын сырткы экспортунун көлөмү 211,49 миллион долларга жетти. Бул тууралуу жаңы башкан мөмө-жемиш жана жашылча экспорттоочулардын Жерортолук деңиз бирикмесинин президенти Ферхат Гуруздун билдирүүсү тууралуу Bazaar Times басылмасы жазып чыкты. Анын айтымында, бир эле айдагы экспорттун көлөмү 211 миллион 494 миң долларга чейин жетип, багбандар үчүн ийгиликтүү болду.
Алынган маалыматтарга караганда, апрель айында Түркиянын бардык аймактарында жаңы бышкан мөмө-жемиш менен жашылчалардын экспорту жаатында кыйла өзгөрүүлөр болгон. Ферхат Гуруз бул айда негизинен томат, калемпир жана лимон экспорттолуп, эл аралык рынокко 279 миң 88 тонна өнүм чыгарылганын айтат.
-Апрель айында Түркия 211 миллион 494 миң доллар көлөмүндө жаңы бышкан мөмө-жемишти жана жашылчаны экспорттоду. Өткөн жылдын төртүнчү кварталында биздин 
экспорттун көлөмү Россияга 45 миллион 64 миң доллар, Румынияга 36 миллион 524 миң доллар, Украинага 24 миллион доллар 955 миң доллар болду. Ошол эле мезгилде Кувейттин, Ирактын жана Грузиянын рыногуна экспортту көбөйттүк. Мисалы, Кувейтке 1 миллион 333 миң доллар көлөмүндө өнүм чыгарып, экспорт 910 пайыз жогорулады. Иракка 19 миллион 636 миң доллар көлөмүндө өнүм чыгарып, экспортту 129 пайыга, Грузияга 6 миллион 353 миң доллар көлөмүндө өнүм чыгарып, экспортту 113 пайызга көбөттүк”, — дейт Ферхат Гуруз.
Булак: east-fruit.com.
