Өзбекстанда өткөн өзбек-кореялык бизнес-форумдун жүрүшүндө кошуналар “Ангрен” эркин экономикалык зонасын түштүккореялыктардын башкаруусуна өткөрүп берүү тууралуу макулдашууга жетишти.
Бул бизнес-форум Түштүк Кореянын президенти баш болгон расмий делегациянын келиши менен коштолду жана эки тараптуу 12 миллиард долларлык келишимдерге кол коюлду. Эки тарап энергетика, нефтегаз, химия, машина куруу, электротехника, транспорт жана логистика, текстиль жана жеңил өнөр жайы, инфраструктура, маалымат-коммуникациялык технологиялар, санариптик медицина тармактарында өз ара кызматташтыкты өнүктүрүшмөкчү.
Ошондой эле “Ангрен” эркин экономикалык зонасын кореялык “Ичхон” эркин экономикалык зонасынын башкаруусуна берүү тууралуу макулдашууга өзгөчө маани берилди. Анын негизги максаты – өлкөдө өтө зарыл болуп жаткан дары-дармектерди өндүрүүнү жолго коюу. Бул багытта “Бустонлик-фарм” өнөр жай зонасында ишти активдештирүүгө да маани берилди.
Өлкө башчысы Шавкат Мирзиёев форум учурунда
Өзбекстандагы жүрүп жаткан реформалар тууралуу айтып, өткөн жылы биргелешкен ишкнаалардын саны үч эсе көбөйгөнүн, 160 ишкана кореялык капиталдын катышуусу менен иштеп жатканын билдирди.
Эске сала кетсек, Өзбекстанда өткөн өзбек-кореялык бизнес форумда эки тараптын экономикалык жана каржылык структураларынын жетекчилери, алдыңкы компаниялары, Түштүк Кореянын 150 ири компанияларынын 350дөн ашуун өкүлү катышты.
Ал эми “Ангрен” эркин экономикалык зонасы 2012-жылы түзүлгөн.
