Кытайдын Эксимбанкы КР Каржы министрлиги менен Кыргызстандын алган карызын реструктуризациялоо боюнча сүйлөшүүлөрдү баштады. Бул тууралуу вице-премьер-министр Эркин Асрандиевге шилтеме берүү менен economist.kg сайты жазып чыкты.
Кытайдын Эксопрттук-импорттук банкы Кыргызстандын карызын реструктуризациялоо боюнча сүйлөшүүлөргө макулдугун беип, аталган банктын адистери бул боюнча кыргызстандык тараптар менен байланышкан. Бул тууралуу Э. Асрандиев 29-апрелдеги пресс-конференцияда билдирген.
Вице-премьер-министрдин айтымында, өткөн аптада Кыргызстандын президенти Сооронбай Жээнбеков менен Кытайдын лидери Си Цзиньпиндин ортосунда Эксимбанктан алынган карызды реструктуризацялоо боюнча сүйлөшүүлөр болгон. Президенттин кайрылуусун Кытай тарап түшүнүү менен кабыл алып, бул багытта Эксимбанктын адистери биздин адистер менен ишти башташкан.
Каржы министрлигинин 1-мартка карата берген маалыматы боюнча, Кыргызстан Эксимбанкка дээрлик 1,8 миллиард доллар карыз. Ал өлкөнүн тышкы карыздарынын 46 пайызын түзөт.