Америкалык Epsilon Development Company австриялык Oberhofer Projektmanagement GmbH компаниясы менен чогуу Өзбекстандын “Ангрен” эркин экономикалык аймагына жаңы завод куруу үчүн 100 миллион евро салым кийирмекчи. Бул тууралуу Podrobno.uz сайты жазып чыкты.
Аталган компаниялар бул долбоорду ишке ашыруу үчүн жаңы ишкана түзүштү, ал эми курула турган завод калай металлдары менен алек болуп, ар түрдүү металл конструкцияларын өндүрөт. Учурда баштапкы маалыматтарды топтоо жана техникалык шартнамаларды макулдашуу иштери жүрүп жатат. Заводдук долбоордук кубаттуулугу боюнча жылына 50 тонна болот өндүрүү каралган, 200-250 киши жумуш орундары менен камсыз болот.
Америкалыктарда автомобиль өндүрүшүнө ылайыкталган продукция өндүрүүнү, анын ичинде кыймылдаткычтарды, көпүрө куруу жана электр мамыларын, түрдүү тосмолорду, өндүрүш цехтери менен бийик үйлөр, нефтегаз тармагы үчүн буюмдарды жасоо максаты бар.
Завод продукцияны ички жана тышкы керектөөлөр үчүн чыгарат, ал эми Өзбекстан акыркы мезгилдерде тышкы экономикалык саясатты күчөтүп жаткан учуру.