Жалал-Абад шаарындагы алгачкы ачык эшик күнү К.Ш.Токтомаматов атындагы Эл аралык университетте өтүп, ага 2 миң талапкер-окуучулар, алардын ата-энелери келишти жана окуу жайы менен кеңири тааншууу мүмкүнчүлүгүнө ээ болушту.Бул тууралуу окуу жайдын окуудан сырткары иштер, мамлекеттик тил жана коомчулук менен байланыштар боюнча проректору Анвар Жолдошбаев төмөнкүлөдү билдирди.
—Бүгүн 9-11-класстардын бүтүрүүчүлөрү окуу жайдын материалдык-техникалык базасы, окуу процесси, пррофессор-окутуучулар курамы, студенттер контингенти, коомдук, маданий-спорттук иш-аракеттери менен таанышышты. Алар үчүн кабыл алуу комиссиясы атайын көргөзмөлөрдү, экскурсияларды уюштурду, – дейт ал.
Бул иш-чарага Жалал-Абад шаарындагы жана жакынкы райондордун мектептеринин окуучулары келишкен.Мындай ачык эшиктер күнү сайын мектеп бүтүрүүчүлөрүнө кесиптик багыт берүү иштеринин алкагында бардык окуу жайларда өткөрүлүп келет.
Эл Аралык Университетиндебул ирет жөн гана ачык эшик күнү эмес, 9-11-класстын окуучуларынын арасында предметтик олимпиада да өткөрүлдү. Олимпиадага катышып, биринчи орунга чыккандар кийин контракттык окуу акысынан 100 пайыз, экинчи орунга чыккандар 50 пайыз, үчүнчү орунга чыккандар 25 пайыз жеңилдиктерди алышат. Ал эми бул олимпиадага ачык эшик күнүнө келген окуучулардын 120сы катышты.
