Евробиримдик Өзбекстандын Дүйнөлүк соода уюмуна (ВТО-ДСО) кириши жана Арал деңизинин боюн жакшыртуу үчүн долбоорлорду ишке ашырууга эки гранттык каржы бөлдү. Бул тууралуу Өзбекстандын тышкы иштер министрлигине шилтеме берүү менен Podrobno.uz маалымат агенттиги жазып чыкты.
Бул максаттарда Өзбекстандын тышкы иштер министри Абдулазиз Камилов жана Еврокомиссиянын эл аралык кызматташтык жана өнүгүү боюнча башкы директору Коен Доенс Брюсселде эки тараптуу документтерге кол коюшкан.
Республиканын ДСОго кириши боюнча долбоорун каржылоого берилүүчү гранттын өлчөмү 5 миллион еврону түзөт. Долбоордо Өзбекстандын бул эл аралык мартабалуу уюмга киршине ар тараптуу көмөк көрсөтүү, ДСО келишимдери жана эл аралык соода системасы боюнча озбек адистеринин билимин өркүндөтүү каралган. Ошондой эле көп өнөктөштүк трасттык фонддун долбоору боюнча берилүүчү гранттык каражаттардын өлчөмү 5,2 миллион еврону түзүп, ал Арал аймагындагы долбоорлорду ишке ашырууга жумшалат
