Россиялык айрым эксперттердин баамында, АКШ дүйнөлүк нефть запасынын үчтөн бирине жана Иранда Венесуэлада, Росияда өндүрүлүп жаткан дүйнөлүк нефть көлөмүнүн бештен бирине санкция кийирген. Бул туралуу РИА Новости агенттиги жазып чыкты.
Алынган маалыматка караганда, нефтинин дүйнөлүк запасы 1,66 триллион баррелге барабар болсо, анын Венесуэладагы үлүшү 298,4 миллиард баррелге, Иранда 157,8 миллиард баррелге, Россияда 80 миллиард баррелге жетет. Эгер бул өлкөлөрдөгү нефть запасын жалпы карасак, анда дүйнөдөгү нефтилүү 30 лидер өлкөдөгү нефть запасынын 33 пайызын түзөт. Эгер буга 2018-жылы ОПЕКтен (нефть экспорттоочу өлкөлөр уюму) чыгып кеткен, Иранды колдоп жаткан Катарды кошкондо, нефтинин үлүштүк запасы 34 пайызга жетип калат.
Жогорудагы санкцияга кабылган үч өлкө 2015-жыл дүйнөдөгү бир суткада өндүрүлгөн нефтинин 21,75 пайызын камсыз кылып турушкан. Ал кезде Россия суткасына 10,1 миллион баррел, Иран 3,1 миллион баррел, Венесуэла 2,5 миллион баррел нефть өндүрүп турган. АКШнын саясий аренадагы активдүүлүгүнүн аркасында мунун баары санкцияга тушукту.
Санкциядан улам Венесуэла көп зыян тартып, анын суткалык нефть өндүрүүсү 3,3 эсе кскарган жана 0,75 баррелге чейин түшкөн. Санкциядан азыраак запкы жеген өлкө Иран болду, анын суткалык нефть өндүрүүсү 2,1 миллион баррелге чейин түштү. Бир гана Россия суткалык нефть өндүрүүнү 10,7 миллион баррелге чыгара алды.
Деген менен, АКШ чийки нефть сатуу рыногун кыйла кеңейтип алды. Азыры тапта АКШ суткасына Россияга караганда 9,8 пайыз көп нефть өндүрүп, 2019-жылдын 5-октябрына карата 11,8 миллион баррелге жеткирди. Эгер мурда АКШ нефтинин 95 пайызын Канадага атып келсе, эми 25 пайыз нефтисин Европага сатууда.
