Район боюнча мамлекеттик бюджетке салык төлөмдөрүнүн жыйноонун жалпы планы 90 миллион 149 миң 200 сомго бекитилген эле. Быйылкы жылдын биринчи жарымын жыйынтыгы менен 92 миллион 159 миң 600 сом жыйналып, салык жыйноо планы 102,2 пайызга аткарылды, же пландан ашыкча 2 миллион сомдон ашык жыйноого мүмкүнчүлүк болду. Бул тууралуу райондук мамлекеттик администрациядан билдиришти.
Анын ичинен, республикалык бюджетке төлөнүүчү салыктардын бекитилген планы 19 миллион 19 миң сом болсо, аткарылганы 19 миллион 21 миң 800 сом болуп, 100 пайызга жеткирилди. Ал эми жергиликтүү бюджетке салык жыйноо планы 71 миллион 130 миң 200 сомго бекитилсе, иш жүзүндө 73 миллион 137 миң 800 сом жыйналган, же 102,8 пайызга аткарылган.
Эскерте кетсек, Базар-Коргон районунун реалдуу секторунун бардык тармактары боюнча быйылкы жарым жыл ичинде салыштырма баада 4 миллиард 511 миллион 80 миң 200 сомдук дүң продукция өндүрүлүп, өндүрүштүн көлөмү өткөн жылдын биринчи жарымындагы деңгээлине салыштырмалуу 112,5 пайызга, ал эми 2021-жылдын божомол планында белгиленгенге карата 112 пайызга өстү.
