Базар-Коргон райондук ички иштер бөлүмү тарабынан мыйзамсыз сакталган курал алынды. Бул тууралуу Жалал-Абад областык ички иштер башкармалыгынын басма сөз кызматы билдирди.
Алынган маалыматка караганда, «Жарандарда мыйзамсыз сакталган курал-жарактарды жана ок дарыларды алууга багытталган иш-чараларды жандандыруу жөнүндө» буйруктун негизинде миилция органдарында ыкчам иш-аракеттер жүргүзүлдү. Анын натыйжасында, Базар-Коргон районунун 1978-жылы туулган тургунунун үйүндө мыйзамсыз сактап жүргөн «ТОЗ-8» үлгүсүндөгү бир даана сайлуу ок атуучу куралы табылды.
Учурда курал тергөө кызматына өткөрүлүп берилип, сотко чейинки өндүрүш иши ачылды. Учурда тергөө амалдары жүрүүдө.
